قصة ليلى والذئب ....... كما يرويها حفيد الذئب العماني !!!

كان جدي ذيب حبوب, وكان جدي ما يحب ياكل لحم فقرر أنه يكون نباتي ويتريق ويتغدى ويتعشى بخضرة وعشب،،
وكانت تعيش في الغابة بنت شريرة تسكن مع جدتها اسمها ليلى…
ليلى هذه كانت تخرج كل يوم للغابة وتوطي الحشيش والزرع اللي كان جدي ياكل منها , و تخرب الغابة, وكان جدي يحاول أنه يكلمها كم مرة عشان لا تسوي كذا بس ليلى الشريرة كانت تطنش وظلت تدوس الحشيش وتقلع الورد من الغابة كل يوم, ولما يأس جدي من اقناع ليلى قرر يزور جدتها عشان يكلمها ويخبرها باللي تسويه ليلى الشريرة.

ولما راح بيت الجدة ودق الباب, فتحت العجوز الباب, وشافت جدي الذيب, وكانت من نفس ثوبها شريرة, وطبعا عاد هي ما تتفاهم، سارت تجيب خيزرانة وهجمت على جدي المسكين وطاحت فيه ضرب وطاح يصورخ وعشان يدافع عن نفسه دفرها, فطاحت العجوز على الأرض ودق راسها بالكرفاية,وماتت جدة ليلى الشريرة.


طبعا جدي حزن و تأثر وبكى لأنه طيوب , وصار يفكر بالطفلة ليلى كيف راح تعيش بدون جدتها

فقرر في النهاية انه يدس جثة الجدة العجوز, وياخذ ملابسها ويلبسهن عشان يوهم ليلى بأنه جدتها, ويحاول انه يطبطب عليها ويعوضلها حنان جدتها اللي فقدته, ولما رجعت ليلى من الغابة ووصلت البيت, راح جدي وتسدح على الفراش لابس ملابس الجدة العجوز.

بس ليلى الشريرة شافت ان خشم جدتها و اذونها كبار وعيونها كأنهن عيون ذيب , بعدين اكتشفت اللعبة, وفتحت الباب وشردت ليلى الشريرة...

ومن ذيك اليوم و هي ناشرة فالغابة انه جدي الطيب هو شرير وانه ماكل جدتها وحاول ياكلها بعد!!!!!!

[/center][/right][center]

ههههههههه مرة حلوة و خطييرة ثانكس ^^

العفوو....